မူးယစ္ေဆးဝါးသယ္ေဆာင္လာသည့္ ဘဂၤါလီ ၄ ဦးကို နတ္ျမစ္အတြင္းဖမ္းမိ

Unicode

မူးယစ်ဆေးဝါးများသယ်ဆောင်လာသည့် ဘင်္ဂါလီလူမျိုး ၄ ဦးကို ဇွန်လ ၂၂ ရက်နေ့တွင် မောင်တောမြို့နယ် ရွှေစားကျေးရွာအနီး နစ်မြစ်တွင် ဖမ်းဆီးရမိခဲ့ကြောင်း သိရသည်။ 

လုံခြုံရေးတပ်ဖွဲ့ဝင်များမှ လှည့်ကင်းဆောင်ရွက်နေစဉ် မြန်မာဘက်မှ ဘင်္ဂလားဒေ့ရှ်ဘက်သို့ လှော်ခတ် နေသည့်လှေတစ်စီးအား သင်္ကာမကင်း၍အချက်ပြခေါ်ယူခဲ့ရာ၌ လှေပေါ်ပါလာသူများရေထဲခုန်ချ ထွက်ပြေး သည့်အတွက် လိုက်လံဖမ်းဆီးခဲ့ရာ ဘင်္ဂါလီလူမျိုး ၄ ဦးအားဖမ်းမိခဲ့ကြောင်း သိရသည်။ 

အဆိုပါ ဘင်္ဂါလီများစီးနင်းလာသည့်လှေပေါ်တွင် ပုဆိုးနှင့်ထုတ်ပို့ထားသည့် မူးယစ်ဆေးဝါးအထုတ်တစ်ထုတ် သိမ်းဆည်းရမိခဲ့ပြီး ထိုအထုတ်ထဲတွင် စိတ်ကြွဆေးပြားတစ်သောင်းခန့်ပါဝင်ပြီး ကာလတန်ဖိုးကျပ်သိန်း ၂၀၀ ခန့်ရှိကြောင်းနှင့် သိမ်းဆည်းမူးယစ်ဆေးဝါးများကို အမှတ်(၄၆) မူးယစ်တပ်ဖွဲ့စုသို့ လွှဲပြောင်းပေးအပ် ထားကြောင်း သိရသည်။ 

မူးယစ်ဆေးဝါးသယ်ဆောင်လာသည့် ဘင်္ဂါလီများမှာ မောင်တောမြို့နယ် ပြင်ဇီကျေးရွာနှင့် မောင်နီကျေးရွာတို့မှ ဖြစ်ပြီး အဒူမိုနာ၊ မာမတ်အီလီယက်၊ နော်ရူရှော်ဘီနှင့် အာဂျီဇူလောင်တို့ဖြစ်ကြောင်းသိရပြီး ၎င်းတို့ကို မူး/ယစ် ဥပဒေဖြင့်အမှုဖွင့်လှစ်သွားမည်ဖြစ်ကြောင်းနှင့် မူးယစ်ဆေးဝါး ကွင်းဆက်တရားခံများကိုလည်း ဆက်လက် ဖော်ထုတ်သွားမည်ဖြစ်ကြောင်း မူးယစ်တပ်ဖွဲ့ ၄၆ မှသိရသည်။ 

သတင်း၊ ဓါတ်ပုံ - ချလူးအောင်၊ DMG 

Development Media Group 

https://www.facebook.com/dmgnewsagency